大學時期, 識著一班豬朋狗友同學, 經常在校內及宿舍無法無天.
當時, 有一整年無拖拍, 同幾個所謂'溝唔到女嘅可憐虫'嘅男同學, 一拍即合.
首先, 每天中午12時前的課堂, 由於要太早起身, 我地例牌走堂!
其次, 返到大學, 3-5點成日要去CANTEEN, 美其名為食TEA, 實際周圍望下有無靚女同學在左右!
見到唔靚嘅女仔, 就不屑一顧;
見到靚嘅但好高傲果D, 就話人扮晒野!
渾渾噩噩, 自欺欺人.
到了夜晚, 便到其中兩個豬朋的宿舍打牌!
我就是在期間學識了'計番', 這亦是我在HKU學到的其中一項最偉大知識!
打牌至凌晨3 4時, 就索性在豬朋房中'屈蛇'(即過夜)!
就係咁, 在狹長的單人床上, 我同其中一個男同學孖鋪!
我想強調: 我唔係基, 佢亦唔係.
但有時, 兩個大男孩, 冚同一張被, 大家腳毛不免相互磨擦, 都幾幾噁心!
THAT'S U-LIFE!
又有一次, 紅十字會黎大學, 呼籲學生捐血.
我地幾個竟然蠢蠢欲動, 想去出一分力!
其實並非我等大發善心, 而是聽聞紅會D姑娘好靚, 心想一邊捐血, 一邊搭訕, 是何等美事!
到了門外, 果見幾個樣貌娟好的姑娘在服侍善心的捐血者.
我們4人, 便急不及待走近, 大聲喊道:
'我要捐血!'
幾位姑娘, 抬頭望望我地呢幾隻視血如冀土的怪獸, 感到哭笑不得!
可惜的是, 美麗的姑娘我們攤不到, 被安排來的是一個身材如魯芬的女士!
魯芬很健談, 更不斷逗我們說話!
我倒沒什麼, 但我們其中一個豬朋竟面露痛苦之色!
我們不斷遞眼色給他, 示意他好歹也要尊重人, 但他卻變本加厲!
最後, 魯芬要離開去處理其他事情, 我們便相繼詰責他.
他似有難言之隱, 最後難抵我們責備, 才說:
'捐捐下血, 突然肚痛......好急屎呀!'
隨即, 禮堂爆發出響亮的笑聲!
3人笑得開懷, 1人卻揸實拳頭係床痛苦地典來典去!
那些姑娘, 紛紛望過來, 不明所以!
THAT'S U-LIFE!
Search